A Xunta de Goberno Local do Concello de Lugo, en sesión ordinaria celebrada o día vinte e sete de marzo de dous mil dezanove, adoptou, entre outros, o Acordo 11/176 MODIFICACIÓN DA OFERTA DE EMPREGO PÚBLICO DO ANO 2018 DO CONCELLO DE LUGO SEGUNDO O DISPOSTO NA DISPOSICIÓN ADICIONAL CENTÉSIMA SESAXÉSIMA QUINTA. TAXA ADICIONAL DE REPOSICIÓN DA POLICÍA LOCAL, polo que se acorda:
“Ampliar a Oferta de Emprego Público do Concello de Lugo para o ano 2018, segundo o previsto na Disposición adicional centésima sesaxésima quinta. Taxa adicional de reposición da policía local coas seguintes prazas:
14 prazas na categoría de Policía, Administración Especial, Escala Básica, categoría Policía, grupo C1. 6 prazas por oposición libre, 4 prazas mediante o procedemento especial de acceso previsto na Orden do 7 de febreiro e 4 prazas mediante concurso de mobilidade e alternativamente, no caso de non cubrirse, mediante o procedemento previsto na Lei de Coordinación da Policía Local de Galicia.
6 prazas na categoría de Oficial, Administración Especial, Escala Básica, categoría Oficial, grupo C1. 4 prazas por promoción interna e 2 prazas mediante concurso de mobilidade, e alternativamente, no caso de non cubrirse, mediante o procedemento previsto na Lei de Coordinación da Policía Local de Galicia.
6 prazas na categoría de Inspector, Administración Especial, Escala Executiva, categoría Inspector, grupo A2. 3 prazas por promoción interna e 3 prazas mediante concurso de mobilidade, e alternativamente, no caso de non cubrirse, mediante o procedemento previsto na Lei de Coordinación da Policía Local de Galicia.”
Lugo, 16 de abril de 2019.- O Tte. de Alcalde
Delegado da Area de Desenvolvemento Sostible e Persoal, Xosé Daniel Piñeiro
Villares.
